کھٹمنڈو۔ 06 مارچ (اے پی پی) وزیراعظم شاہد خاقان عباسی آکھیے جو پاکستان جنوبی ایشیائی تنظیم برائے علاقائی تعاون(سارک) کوں بہوں اہمیت ڈیندے تے ایندے منشور دے مقصد تے اصولاں تے کابند رہیا اے ۔ انہاں اے گال منگل کون اتھاں سارک سیکرٹریٹ دے دورے دے دوران اپنڑے خطاب اچ آکھی تے سیکر ٹریٹ اچ بوٹا لاتا ۔وزیراعظم آکھیا جو پاکستان ہمیشہ سارک کوں خود مختار برابری دے اصول تے مبنی علاقائی تعاون سانگے ہک فعال ذریعہ بنڑاونڑ دی کوشش کیتی ۔انہاں آکھیا جو سارک رکن ملکاں دی اقتصادیات کوں تقویت ڈیونڑ تے سانجھی اہمیت دے مختلف شعبہ جات اچ اشتراک کار کوں ودھارا ڈیونڑ دی بہوں اہمیت دا حامل اے ۔انہاں ایں گال تے زور ڈتا جو تنظیم کوں خطے دی معیشت ،ثقافت تے سماجی ترقی دے حصول سانگے رل تے کم کرنڑ دی ضرورت اے ۔انہاں خوشحال خطے سانگے سارک دے رکن ملکاں وچال مواصلاتی رابطے و دھاونڑ دی ضرورت تے زور ڈتا ۔انہاںآکھیا سارک دے سارے اجلاساں اچ پاکستان اپنڑے ایں یقین اچ ودھارا کیتے جو جنوبی ایشیا اچ ہک محفوظ تے پر امن ماحول خطے دی ترقی تے خوشحالی دے ودھارے سانگے بہوں اہم اے ۔ سیکرٹری جنرل سارک امجد حسین بی سیال آکھیا جو پاکستان سارک اچ اہم کردار ادا کریندا پے ایندے توں پہلے ڈو سربراہ اجلاساں دی میزبانی وی کیتی ۔انہاں آکھیا جو سارک سربراہ اجلاس دے انعقاد نال رکن ملکاں کوں نویں تحریک ملدی اے اے بہوں اہم ہوندے ۔بعد اچ وزیراعظم سارک سیکر ٹریٹ اچ چیڑ دا بوٹا لاتا ۔انہاں مہماناں دی کتاب اچ اپنڑے تاثرات وی قلمبند کیتے تے سارک سیکرٹریٹ اچ ڈائریکٹرز دے نال گروپ فوٹو بنڑوایا ۔
.jpg)
.jpg)
