اسلام آباد۔1جولائی(اے پی پی) صدر مملکت آصف علی زرداری نال بیلجیئم دے ونڄݨ آلے سفیر چارلس ڈیلون ایوان صدر اسلام آباد اچ ملین۔ صدر مملکت آصف علی زرداری پاکستان اتے بیلجیئم دے تعلقات کوں ٻیا تکڑا کرݨ کیتے سبکدوش سفیر دے کردار دی تعریف کیتی۔ صدر مملکت آکھیا جو پاکستان دے بیلجیئم نال تکڑے اتے پراݨے تعلقات ہیں، اساں ݙو طرفہ تجارت و سرمایہ کاری خاص کر توانائی دے شعبے اچ ڳانݙھا ودھاوݨ چاہندے ہیں، ݙوہاں ملکاں دے عوام دی سطح تے وی رابطے ودھاوݨ دی لوڑھ اے، صدر مملکت سبکدوش سفیر کوں نیک خواہشات پچیندے الوداع آکھیا۔
