اسلام آباد۔18مئی (اے پی پی) سپیکر قومی اسمبلی راجہ پرویز اشرف اتے ڈپٹی سپیکر زاہد اکرم درانی باجوڑ اچ سکیورٹی فورسز دے آپریشن وچال ہک سکیورٹی اہلکار دے جانی نقصان تے ݙکھ تے افسوس کیتے۔ خمیس کوں اپݨے تعزیتی سنیھے اچ انہاں شہید اہلکار دے ٹٻر نال دلی ہمدردی کیتی اتے آکھیا جو پاک فوج ملک اچ دہشت گردی دا قلع قمع کرݨ کیتے لڑدی پی اے۔ سکیورٹی اہلکاراں دی قربانیاں کوں یاد رکھیا ویسی۔ انہاں اللہ تعالیٰ توں شہید دے درجات دی بلندی اتے انہاں دے ٹٻر کیتے صبر دی دعا کیتی۔
