اسلام آباد۔7ستمبر (اے پی پی) وفاقی وزیرخزانہ تے محصولات مفتاح اسماعیل آکھیا جو معیشت کوں پائیدار اتے مستحکم بنیاداں تے استوار کرݨ کیتے اوکھے فیصلےکیتن، آندے مہینیاں اچ ملک اچ مہانگ ڳھٹ تھیسی۔ سابق حکومت ٹرانسمیشن اتےڈسٹری بیوشن نیٹ ورک تے کم کریندی تاں بجلی دے نرخ نہ ودھدے۔ بدھ کوں ہک تقریب توں خطاب کریندیں ہوئیں انہاں آکھیا جو اپریل اچ اساں کنے ݙیڈھ مہینے درآمدات کیتے زرمبادلہ دے ذخائر ہن۔ مالیاتی ادارے انہاں ملکاں کوں قرضہ ݙیندن جئیں کنے ڳھٹ توں ڳھٹ ترائے مہینے دے زرمبادلہ دے ذخائر ہوون۔ اڄوکی حکومت معیشت کوں پائیدار اتے مستحکم بنیاداں تے استوار کرݨ کیتے اوکھے فیصلے کیتن۔
