اسلام آباد ۔ 15 ستمبر (اے پی پی) وزارت پانڑیں تے بجلی ولوں وزیراعظم محمد نواز شریف کوں ڈسایا گیا جو 330 میگاواٹ پون بجلی اتے 680 میگاواٹ جوہری توانائی تے مشتمل ہک ہزار میگاواٹ توانائی دے 9 منصوبے افتتاح کیتے تیار ہن ۔ وزیراعظم دفترتوں بدھ کوں جاری ہک بیا ن دے مطابق وزیراعظم محمد نواز شریف کوں ڈسایا گئے جو فیسکو اتے آئیسکو دے موبائل میٹر ریڈنگ منصوبے دے نال نال آئیسکو کا کسٹمر رسپانس سسٹم وی افتتاح کیتے تیار ہے ۔ پون بجلی دے منصوبے جنہاں دا ایں سال اکتوبر تئیں وزیراعظم محمد نواز شریف ولوں افتتاح کیتا ویسی ۔ انہاں منصوبیاں اچ یونس انرجی (50 میگاواٹ)، میٹرو پاور (50 میگاواٹ)، ماسٹر انرجی (50 میگاواٹ)، اقبال انرجی (30 میگاواٹ)، ہائیڈرو چائنہ دائود (50 میگاواٹ) اتے تناگا جنراسی (50 میگاواٹ) شامل ہن ۔ جوہری توانائی دے منصوبے جنہاں دا افتتاح اکتوبر 2016ء اتے مارچ 2017ء تئیں کیتاونجنڑیں اچ بالترتیب چشمہ تھری 340 میگاواٹ اتے چشمہ فور 340 میگاواٹ دے منصوبے شامل ہن ۔ وزیراعظم کوں ٹرانسمیشن لائنز دے منصوبیاں بارے وی ڈسایا گیا جنہاں دا سنگ بنیاد رکھیا ونجنڑاں باقی ہے ، انہاں اچ 250 کلومیٹر دی 500 کے وی دی ڈی سی ٹرانسمیشن لائن اینگرو تھر توں مٹیاری اتے مٹیاری سوئچنگ سٹیشن توں بیاس تئیں ڈو لائیناں شامل ہن ۔ 250 کلومیٹر لائناں ایل او ٹی۔I (110 کلومیٹر) اتے ایل او ٹی۔II (150 کلومیٹر) دے ٹھیکے بالترتیب 9 دسمبر 2015ء اتے 3 جون 2016ء کوں ڈے ڈتے گئے ہن ۔ ایں توں علاوہ پورٹ قاسم مٹیاری ٹرانسمیشن لائن دا منصوبہ وی سنگ بنیاد کیتے تیار ہے جیہڑاجو مرحلیاں دے مشتمل ہن ۔ پہلا مرحلہ 45 کلومیٹر 500 کے وی ٹرانسمیشن لائن پورٹ قاسم توں حب جامشورو ٹرانسمیشن لائن سی سی ٹی۔I اتے ڈوجھا مرحلہ 135 کلومیٹر دی 500 کے وی ٹرانسمیشن لائن حب جامشورو توں 500 کے وی مٹیاری شامل ہن ۔ موجودہ حکومت وزیراعظم محمد نواز شریف دی قیادت اچ نہ صرف توانائی بحران تے قابو پاونڑ جڈانجو پاکستان دی توانائی دی مستقبل دی لوڑ کوں پورا کرنڑ اچ کوشاں ہے ۔ توانائی دی پیداوار اچ ودھارے نال اقتصادی ترقی، روزگار دے موقعے ، صنعتی سرگرمیاں اتے غیر ملکی سرمایہ کاری اچ وی ودھارا تھیسی ۔ وزیراعظم محمد نواز شریف دی سربراہی اچ حال ہی اچ توانائی بارے کابینہ کمیٹی دا اجلاس تھیاجیندے اچ انہاں جاری منصوبیاں دی تکمیل نال نیشنل گرڈ اچ نمایاں ودھارا تھیسی ۔ جیندے نال پکی طرح پاکستان اچوں بجلی دے بحران دا خاتمہ تھی ویسی ۔
.jpg)
