اسلام آباد۔24جون (اے پی پی) وزیرِ اعظم عمران خان نال متحدہ قومی موومنٹ دے اراکینِ پارلیمنٹ خمیس کوں ملاقات کیتی۔ وزیراعظم آفس دے میڈیا ونگ توں جاری بیان دے مطابق ملاقات کرݨ آلیاں اچ رکنِ قومی اسمبلی خالد مقبول صدیقی اتے سینیٹر فیصل سبزواری شامل ہن جڈانجو وفاقی وزیرِ منصوبہ بندی اسد عمر وی موجود ہن۔ ایں موقع تے وزیراعظم کوں کراچی اچ جاری ترقیاتی منصوبیاں تے پیشرفت بارے ݙسیا۔ ایں موقع تے وزیراعظم آکھیا جو اڄوکی حکومت کراچی دے لوکاں دے مسئلے دے حل سانڳے کم کریندی پئی اے۔ وفاقی حکومت این ایف سی ایوارڈ دے مطابق فنڈز دی ویلھے تے منتقلی کوں یقینی بݨیندی پئی اے۔
