مظفرآباد۔22 مئی(اے پی پی)وزیر اعظم محمد شہباز شریف آکھیے جو بھارت توں 1971 دی شکست دا بدلہ ڳھنڳھدے، پاکستان روایتی جنگ اچ اپنڑی برتری ثابت کر ڈتی اے، مودی سرکار ہݨ حملہ کرݨ توں پہلے سو واری سوچیسی، انشاء اللہ قیامت تئیں نیوکلیئر ہتھیاراں دی لوڑھ نہ پوسی، اے اڄ دے دور دی مختصر ترین جنگ ہئی، اڳو تے دشمن پاکستان کوں میلی اکھ نال ݙیکھݨ دی جرأت نہ کریسی، افواج پاکستان دے شہداء اتے عوام نے آُپݨے خون نال نویں تاریخ لکھی اے، ویلھا آ گئے جو قوم اتحاد و اتفاق نال معاشی طاقت بݨݨ دا وی پندھ کرے۔
اے ڳالھ انہاں معرکہ حق اچ آزاد کشمیر دے شہید تھیݨ آلے شہریاں دے ورثاء کوں امدادی چیک ونݙݨ دی تقریب نال خطاب اچ آکھی۔ وزیر اعظم شہباز شریف شہداء دے ورثاء کوں امدادی چیک ݙتن۔ ایں موقع تے وفاقی وزراء اتے وزیر اعظم آزاد کشمیر دے علاوہ شہداء دے ورثاء دی وڈی تعداد موجود ہئی۔
وزیر اعظم شہباز شریف آکھیا جو کڄھ ݙینھ پہلے پاکستان اتے بھارت وچال اینڄھی جنگ چھڑی جیڑھی خطرناک رخ اختیار کر سڳدی ہئی، جنگ دے نتائج بھیانک تھی سڳدے ہن۔ انہاں آکھیا جو پہلگام واقعہ افسوسناک ہا جیندی اݙ اچ بھارت پاکستان تے بے بنیاد الزام وس?? ݙتن، پاکستان ڄق کوں ول ول اے آکھیے جو بھارت دے الزام بے بنیاد، کوڑے اتے سازش ہین جیڑھے خطے دے امن کوں تباہ و برباد کر سڳدن۔ وزیر اعظم آکھیا جو کاکول اچ خطاب کریندے میں اعلان کیتا جو پاکستان پہلگام واقعہ تے غیر جانبدارانہ عالمی تحقیقات سانگے تیار اے ٻھل بھارت کوں اے گالھ ہضم نہ تھئی اتے ایں ساݙی پیشکش ہک پاسے سٹیندے پاکستان تے حملہ کرڈتا، بھارتی جارحیت نال بہاولپور، آزاد کشمیر اتے ملک دے ٻئے علاقیاں اچ 33 لوک شہید اتے 55 زخمی تھئین، بھارت نہتے پاکستانیاں تے حملہ کیتے، افواج پاکستان بھارتی جارحیت دا منہ توڑ جواب ڈتے ٻھل ساݙی مسلح افواج شہری آبادی کوں نشانہ بݨاوݨ ??ی بجائے 6 بھارتی جہاز مار ݙھوائن جیندے تے بھارت کوں وفا ماݨ ہا، اساں الفتح میزائلاں نال بھارت کوں نانی یاد ݙیوا ݙتی اے ٻھل بھارت دے الزامات اتے لگاتار حملے جاری رہین۔ وزیر اعظم آکھیا جو دنیا دے بے شمار ملک پوری طرح یکسو ہن جو پاکستان حق تے اے ڄئیں عالمی تحقیقاتی کمیشن دی وی پیشکش کیتی اے اتے اے پاکستان دے ہتھ صاف تھیوݨ ??ی دلیل اے، بھارت کوں آکڑ ہئی جو پوری دنیا دیاں طاقتاں ایںدے نال کھڑ ویسن ٻھل بھارت دے دوست ملک نیوٹرل تھی گئے اتے اکثرا تاں پاکستان دا ساتھ ڈیندے ساݙے موقف کوں جائز قرار ڈتے۔ وزیر اعظم آکھیا جو پاکستان اپݨے دفاع اچ 6 بھارتی جہاز ݙھوائن، بھارتی تنصیبات کوں نقصان پچائے، جیندے بعد 9 مئی دی رات اساں محتاط حملہ کرݨ دا فیصلہ کیتا اتے 10 مئی دی سویل میݙی سپہ سالار نال ڳالھ تھئی، انہاں ݙسایا جو بھارت نورخان ایئربیس اتے بیا ڄاہیں تے میزائلاں نال حملہ کیتے، سپہ سالار بھارت کوں ایندا ودھ ولدا ݙیوݨ ??تے سبق سکھاوݨ ??ی صلاح ݙتی جیندے بعد پٹھان کوٹ توں گھن تے انہاں دا کوئی وی ایئربیس ساڈے شاہیناں دی پڄ اتے میزائلاں دی زد توں باہر نہ ہا، سویلے 9 وڄے سپہ سالار دا ول فون آیا جو انہاں کوں تکڑا سنیہا ݙے چھوڑیے اتے ہݨ بھارت سیز فائر یعنی ڳوݙے ٹیکݨ کوں تیار اے۔ وزیر اعظم آکھیا جو مودی سرکار اڳو تے پاکستان تے حملہ کرݨ توں پہلے سو واری سوچیسی، پاکستان روایتی جنگ اچ بھارت دی برتری دے تاثر کوں غلط ثابت کر ڈتے اتے 1971ء دی شکست دا بدلہ ڳھن ڳھدے، اللہ دا شکر اے جو ساکوں نیوکلیئر ہتھیاراں استعمال کرݨ دی لوڑھ نئیں پئی، انشاء اللہ قیامت تئیں اینڄھی لوڑھ نا پوسی۔
وزیر اعظم آکھیا جو 24 کروڑ عوام دیاں دعاوں نال معرکہ حق اچ عظیم فتح ملی اتے پوری قوم افواج پاکستان دے پچھو کھڑی رہی، مسلح افواج ملکی خودمختاری اتے سالمیت دے تحفظ سانگے پوری طرح تیار ہن۔ وزیر اعظم آکھیا جو اتحاد و اتفاق نال ہݨ ملک کوں معاشی طاقت بݨاوݨے، اے تاریخ دی مختصر ترین جنگ ہئی جیندے اچ سپہ سالار دی دلیرانہ اتے دانشمندانہ قیادت اتے اللہ تے ودھ توکل کامیابی ݙتی، اساں ݙینھ رات محنت کر تے پاکستان کوں معاشی طور تے مستحکم بݨیے پئے ہیں، ملکی قرضیاں توں وی جان چھڑویسوں، اتحاد و اتفاق نال اڳو تے ودھسوں تاں جو دشمن میلی اکھ نال ڈیکھݨ دی جرأت نہ کر سڳے۔ وزیر اعظم آکھیا جو پاکستان کشمیریاں دی سیاسی، سفارتی اتے اخلاقی حمایت جاری رکھسی جیڑھے اڄ وی آپݨے حق سانگے چٹان آلی کار کھڑن اتے اقوام متحدہ دی سلامتی کونسل دیاں قرارداداں دے مطابق کشمیریاں کوں انہاں دا حق خود ارادیت ملݨ تئیں پاکستان کشمیریاں دے نال کھڑا رہسی۔ وزیر اعظم آکھیا جو میں مظفرآباد توں سرینگر دے عوام کوں اے سنیہا ݙیوݨ چاہنداں جو او پاکستان کوں کݙاہیں پچھو نہ ڈیکھسن اتے او ݙینھ آسی جݙاں کشمیریاں کوں انہاں دا حق ملسی اتے کشمیر پاکستان بݨسی۔
امدادی پیکج دا ݙسیندے وزیر اعظم آکھیا جو شہید شہریاں دے ورثاء کوں ہک کروڑ روپے اتے زخمیاں کوں 10 لکھ توں 20 لکھ روپے دے چیک ݙتے گئن اتے باقی رہ ونڄݨ آلے متاثرین ??وں تکھے ادائیگیاں کر ڈتیاں ویسی۔ افواج پاکستان دے شہداء دے ورثاء کوں رینک دے حساب نال ہک کروڑ روپے توں ہک کروڑ 80 لکھ روپے تئیں دی ادائیگیاں کیتیاں ویسن۔ شہداء دے ورثاء کوں گھر دی سہولت سانگے عہدے دے حساب نال ہک کروڑ 90 لکھ توں گھن تے 4 کروڑ 20 لکھ روپے ݙتے ویسن۔ شہداء دی مدت ریٹائرمنٹ تئیں انہاں دی مکمل تنخواہ بمعہ الائونسز جاری رہسی، شہداء دے بالاں کوں گریجویشن تئیں مفت تعلیم ݙتی ویسی۔ شہداء دیاں صاحبزادیاں دی شادی سانگے 10 لکھ روپے دی میرج گرانٹ ݙتی ویسی۔ افواج پاکستان دے زخمیاں کوں 20 توں 50 لکھ روپے ݙتے ویسن۔
انہاں آکھیا جو وطن دی خاطر قربانی ݙیوݨ ??لے عظیم شہداء دے ورثاء اتے غازیاں دی خدمت کرݨ ہر حکومت دا فرض اے۔ تقریب نال آزاد کشمیر دے وزیر اعظم چوہدری انوار الحق، وفاقی وزیر امور کشمیر انجینئر امیر مقام وی خطاب کیتا۔
