ا??لا?? آباد۔27 جولائی (اے پی پی) اسپیکر قومی اسمبل?? سردار ایاز صادق قابض اسرائیلی افواج دی طرفوں فلسطینی عوام دے خلاف جاری ظلم اتے منظم نسل کشی دی شدید مذمت کریندے آکھیے ج?? اسرائیلی افواج ظلم، بربریت اتے غیر انسانی رویے دیاں ساریاں حداں پار کر ݙتن۔ ایں موقع تے جاری بیان موجب انہاں آکھیا جو 7 اکتوبر 2023 توں جاری اسرائیلی حملیں اچ ہݨ تئیں 60 ہزار توں ودھ نشوم فلسطینی شہید تھی چکن، جنہاں وچ وݙی تعداد اچ ٻال، تریمتاں تے بزرگ شامل ہن۔اسپیکر قومی اسمبلی آکھیے ج?? اسرائیلی افواج ہسپتالاں، گھراں، اسکولاں اتے امدادی مرکزاں تے وحشیانہ بمباری کریندی پئی اے جݙاں جو خوراک اتے امداد گھنݨ آلے نہتے شہریاں کوں وی نشانہ بݨایا ویندا پئے۔ انہاں آکھیے ج?? غزہ دیاں حداں بند کرتے ٻالڑیاں ، تریمتاں اتے بزرگاں کوں بکھ ماریا ویندا پئے جیڑھا جو انسانی اقدار اتے عالمی قوانین دی کھلی خلاف ورزی اے۔ سردار ایاز صادق آکھیے انسانی امداد اتے دوائیں روکݨ دی اسرائیلی پالیسی شرمناک اتے قابل مذمت اے۔ اسپیکر قومی اسمبلی آکھیا جو اقوام متحدہ اتے عالمی برادری کوں وختی اتے غیر مشروط جنگ بندی کیتے کردار ادا کرݨا چاہیدے اتے فلسطینی عوام کوں انہاں دا حق خودارادیت ݙتا ونڄݨا چاہیدے۔ پاکستان سارے علاقائی اتے عالمی فورمز تے فلسطینی عوام دی غیر متزلزل حمایت جار?? رکھیسی۔
