اسلام آباد۔15ستمبر (اے پی پی) صدرمملکت آصف علی زرداری سابق رکن قومی اسمبلی روشن الدین جونیجو دے انتقال تے ڈکھ اتے افسوس کیتے۔ سنوار کوں ایوان صدر دے پریس ونگ دے مطابق صدر مملکت آپݨے تعزیتی سنیھے اچ روشن الدین جونیجو دی پارٹی اتے حلقے کیتے نمایاں خدمات کوں سراہیندے ہوئیں آکھیا جو عوامی خدمت کیتے انہاں دی مخلصانہ وابستگی ہئی۔ انہاں آکھیا جو روشن الدین جونیجو سویں لوکاں دی نمائندگی کریندے ہن انہاں دی زندگیاں کوں چنڳا بݨاوݨ کیتے انہاں ݙینھ رات کم کیتا۔ صدر مملکت آکھیا جو روشن الدین جونیجو پیپلز پارٹی اتے آپݨے حلقے دی بہترین خدمت کیتی۔ صدر مملکت ڈکھ دی ایں گھڑی اچ روشن الدین جونیجو دے ٹٻر نال دلی تعزیت دا اظہار کیتا۔ سابق ایم این اے روشن الدین جونیجو دا تعلق سانگھڑ توں ہا اتے او پیپلز پارٹی نال پراݨے وابستہ ہن۔
.jpg)
