لاہور۔6اپریل (اے پی پی) وفاقی وزیر مذہبی امور و ہم آہنگی سردار محمد یوسف آکھیے اڄوکے سال سرکاری حج سکیم دے ??حت 90 ہزارعازمین حجاز مقدس ویسن۔ حج پروازاں دا آغاز 28 مئی توں تھیسی ،عازمین حج سانڳے بہترین انتظامات کیتے ویندے پئن ، مہانگ گھٹ کرݨ موجودہ حکومت دی اولین ترجیح اے ،بجلی دیاں قیمتاں گھٹ تھیوݨ عوام سانڳے ھک وݙ?? تحفہ اے ۔ اے ڳالھ انہاں حاجی کیمپ اچ حج تیاری 2025 ء تے پریس کانفرنس کریندے ??کھی۔ وفاقی وزیرآکھیے اڄوکے سال سرکاری حج سکیم دے ??حت 90 ہزارعازمین حجاز مقدس ویسن ، حج پروازاں دا آغاز 28 مئی توں تھیسی ،ملک دے مختلف ضلعیں اچ عازمین حج کوں تربیت ݙتی ویندی پئی اے ،حج ٹریننگ دا پہلا مرحلہ رمضان توں پہلے پورا کر ڳھدا ہئی جݙاں جو ݙوجھا مرحلہ 8 مئی توں پنجاب یونیورسٹی اچ کیتا ویندا پئے ۔ انہاں آکھیے میݙے دورہ دا مقصدلاہوراچ حج انتظا مات دا جائزہ گھنݨ اے کیوں جو عازمین حج دی وݙی تعداد اتھوں روانہ تھیسی ،حاجی اللہ دے مہمان ہوندن اساں چاہندوں حج سانڳے ایجھے انتظامات کیتے ونڄن اللہ دے مہماناں دی خدمت اچ کوئی کسر رہ نہ ونڄے ، حاجیاں دی خدمت وزارت مذہبی امور دی ذمہ واری اتے ایندا تعلق ساݙے عقیدہ نال وی ہے ۔ سردار محمد یوسف آکھیے حاجیاں دی ویکسینیشن تے متعلقہ معلومات سودھے ٻئی ضرورتاں دے ??والے نال مزید ہدایا ت جاری کرݙتن ، موجودہ حکومت دی کوشش اے آندے ݙو مہینے اچ حاجیاں سانڳے فقیدالمثال انتظامات کیتے ونڄن تے ایں حوالے نال میں سعودی عرب اچ حج وزارت دے ??مہ داراں نال میڈیکل، ٹرانسپورٹ اتے رہائش سودھے ٻئے امور تے تفصیلی ڳالھ مہاڑ کیتی اے ۔ ایں سلسلے اچ وزیراعظم محمد شہباز شریف کوں وی بریفنگ ݙتی اے۔ وفاقی وزیر آکھیے وزیراعظم بجلی دیاں قیمتاں گھٹا تے پاکستانی عوام کوں وݙا ریلیف ݙتے، قوم سانڳے اے وݙی خوشخبری اے، عوام کوں ݙتے ڳئے ایں تحفے تے محمد نواز شریف ،وزیراعظم محمد شہباز شریف اتے پوری قوم مبارخ دی مستحق اے ، مسلم لیگ ن دی اتحادی حکومت آئی اے جئیں اچ پیپلز پارٹی اتے ایم کیو ایم وی شامل اے۔ اے کوشش رہی اے ایجھی پالیسیزبݨائیاں ونجن جئیں توں عام آدمی کوں فیدہ تھیوے۔ ھک سوال دے ??واب اچ انہاں آکھیے موجودہ حکومت دا ساریں توں ودھ فوکس مہانگ کوں کنٹرول کرݨا اے تاں جو غریب آدمی وی خوشحالی دی زندگی بسر کرسڳےتے ایں کوں ہراو سہولت میسر ہووے جیڑھی ھک خوشحال طبقے کوں حاصل اے، الحمدللہ حکومت دے ھک س??لہ اقتداراچ مہانگ سنگل ڈیجیٹ تے آ گئی اے ،امید کیتی ویندی پئی آوݨ آلے ݙینھاں اچ عوام کوں مزید ریلیف ملسی۔
.jpg)
