اسلام آباد۔17 مئی (اے پی پی) محکمہ موسمیات چتاوݨی ݙیندے شہریاں کوں زور ݙتے جو گرمی اتے جان لیوا بیماریاں توں بچݨ سانڳے سخت احتیاط ورتن ۔ای?? ہفتے دے چھیکڑ تئیں درجہ حرارت 42 ڈگری سینٹی گریڈ تئیں ودھݨ دا امکان اے۔ محکمہ موسمیات دے ڈپٹی ڈائریکٹر انجم نذیر ضیغم آپݨے انٹرویو اچ شہریاں کوں محتاط رہݨ دی صلاح ݙتی کیوں جو اسلام آباد اتے ٻئے شہراں دا موسم گرم اتے رکھا رہݨ دی توقع اے۔ اُنھاں چتاوݨی ݙتی جو اُتلے پنجاب اتے خیبرپختونخوا اچ درجہ حرارت عام توں 7 ڈگری تئیں ودھ سڳدے۔ سندھ، جنوبی پنجاب اتے بلوچستان ہیٹ ویو دی زد اچ ہِن، جنوبی علاقیاں اچ درجہ حرارت اوسط توں 4-6 ڈگری ودھ رہݨ دی پیش گوئی کیتی ڳئی اے۔ اُنھاں مال ڈھوڑ دے مالکان تے وی زور ݙتا جو او آپݨے جانوراں کوں سخت گرمی توں بچاوِن۔ اُنھاں کاشتکاراں کوں صلاح ݙتی جو او آپݨے کم کار دے شیڈول کوں موسمی حالات موجب ب??ال??ن۔ اُنھاں ہلکے رنگ دے، کھلے ڈھلے سُوتی کپڑے پاوݨ اتے س??دھ?? دُھپ توں بچݨ کیتے چھتری، ٹوپی یا دُھپ دے چشمے استعمال کرݨ ??ی وی ہدایت کیتی۔ اُنھاں آکھیا جو جاری گرمی دی لہر دے دوران سارے محکمیاں کوں چوکس رہݨ اتے ضروری احتیاطی تدابیر اختیار کرݨ ??ی وی ہدایت کیتی ڳئی اے۔
.jpg)