اسلام آباد۔9اگست (اے پی پی) اسپیکر قومی اسمبلی سردار ایاز صادق پاکستان دی دستور ساز اسمبلی دے قیام ??ی 78ویں سالڳنڈھ دے موقع تے آپݨے پیغام اچ آکھیے جو پارلیمان دی بالادستی، آئین و قانون دی حکمرانی اتے جمہوریت دے تسلسل اچ ہی پاکستان دی سالمیت، ترقی اتے خوشحالی دا راز پوشیدہ اے۔ قومی اسمبلی سیکرٹریٹ توں جاری بیان اچ اسپیکر قومی اسمبلی آکھیا جو 10 اگست 1947 کوں دستور ساز اسمبلی دا کراچی اچ منعقدہ پہلا اجلاس بانیانِ پاکستان دی جمہوری سوچ اتے عوامی خواہشاں دا عملی اظہار ہئیاے ݙینھ اساݙی تاریخ دا ہک سنگِ میل اے جیڑھا نویں نسل کوں جمہوری اقدار، آئینی روایتاں اتے پارلیمانی کردار نال متعارف کراوݨ دا بہترین ذریعہ اے۔ اسپیکر قومی اسمبلی آکھیا جو پارلیمان نہ صرف 25 کروڑ عوام دا نمائندہ ادارہ اے بلکہ عوامی فلاح و بہبود ایں دا پہلا اتے بنیادی فرض اے۔ م??ک کوں درپیش چیلنجز نال نِبڑݨ کیتے مؤثر اتے وختی قانون سازی ضروری اے۔ انہاں مزید آکھیا جو “شفافیت، کفایت شعاری اتے جدید انتظامی اصلاحات کوں سامݨے رکھیندیں ایوان دی کارکردگی کوں بہتر بݨاوݨ کیتے ٻہوں سارے اقدامات جاری ہن۔ انہاں پارلیمان دی مضبوطی اتے جمہوریت دے ودھارے کیتے سیاسی قوتاں کوں سیاست توں وݙا تھی تے رَل تے کم کرݨ دی لوڑھ تے زور ݙتا۔ انہاں آکھیا جو پارلیمان ہی او کلھا پلیٹ فارم اے جتھاں ملک دے عوامی، سیاسی اتے معاشی مسئلیں کوں حل کیتا ونڄ سڳدے۔ انہاں ݙسایا جو یں ویلھے وݙی تعداد اچ نینگر قومی اسمبلی اچ انٹرنشپ کریندے پئن تاں جیڑھے او پارلیمانی نظام، قانون سازی دے عمل اتے جمہوری روایتاں نال براہِ راست واقفیت حاصل کر سڳن۔ اسپیکر سردار ایاز صادق آکھیا جو “قومی اسمبلی سیکرٹریٹ اچ جدید ٹیکنالوجی متعارف کروائی ویندی پئی اے تاں جو عوام تئیں معلومات دی وختی پڄے، عملے دی کارکردگی اچ ودھارا اتے وسائل دے مؤثر استعمال کو?? یقینی بݨایا ونڄ سڳے۔ انہاں آکھیا جو “پاکستان دی پارلیمان کوں ہک اہم اعزاز وی حاصل اے جو اے پارلیمنٹ دنیا دی پہلی پارلیمنٹ اے جو 2015 توں مکمل طور تے شمسی توانائی تے چلدی پئی اے۔ انہاں واضح کیتا جو پارلیمانی نظام دے تسلسل اتے آئینی اداریں دی بالادستی دے بغیر قومی ترقی دا کوئی تصور ممکن کائنی انہاں ایں عزم دا اعادہ کیتا جو موجودہ پارلیمان آئین، قانون اتے جمہوری اصولاں دی روشنی اچ عوامی رہنمائی اتے خدمت دا سلسلہ جاری رکھیسی۔ ایں موقع تے ڈپٹی اسپیکر قومی اسمبلی سید غلام مصطفیٰ شاہ آکھیا جو پارلیمان ملکی وحدت دی علامت اتے 25 کروڑ عوام دی اجتماعی دانش دا مرکز اے۔ انہاں آکھیا جو اساں مؤثر قانون سازی، شفاف طرزِ حکمرانی اتے عوامی مسئلیں دے دیرتئیں حل دے ذریعے م??ک کوں ترقی و خوشحالی دے رستے ٹور سڳدوں۔
